සී/ස ලංකාපුත්ර සංවර්ධන බැංකුව 1988 අංක 30 දරණ බැංකු පනත යටතේ ස්ථාපිත කරන ලද අවසරලත් විශේෂිත රාජ්ය බැංකුවක් වන අතර 1982 අංක 17 දරණ සමාගම් පනත යටතේ ශ්රී ලංකාවේ ස්ථාපනය කර ඇත.
සම්පූර්ණයෙන්ම දේශීය සුළු හා මධ්ය පරිමාණ ව්යවසායකයින් වෙනුවෙන් මූල්ය ශක්තියක් වීම මෙම බැංකුවේ අරමුණු අතර කැපී පෙනේ. ඉතා පුළුල් පරාසයක් ආවරණය කරන මෙම ක්ෂේත්රය සෘජු හා වක්ර රැකියා රැසක් නිර්මාණය කර ඇත. ජාතික සංවර්ධනයේ ඉලක්ක හා අරමුණු ජය ගැනීමට නම් ඔවුන් සක්රීය ලෙසට ආර්ථිකයට දායක කර ගත යුතුය. ඒ සඳහා ඔවුනට ශක්තිමත් ජවයක් හා සහයෝගයක් අවශ්ය වේ.
දිගු කාලයක සිට මෙරට ආර්ථිකයේ කොඳුනාරටිය ලෙස සුළු හා මධ්ය පරිමාණ ව්යවසායක ක්ෂේත්රය විශාල දායකත්වයක් ලබා දී ඇත. කෙසේ නමුත් ඒ සඳහා අනුග්රාහකත්වයක් හා සහයෝගයක් ලබා දීම සඳහා රාජ්ය අංශයේ මූල්ය ආයතන වලින් ප්රමාණවත් දායකත්වයක් නොලැබුනි. මෙම තත්වය තේරුම් ගත් වත්මන් රජයේ ජනාධිපති අතිගරු මහින්ද රාජපක්ෂ මහතා විසින් ඉදිරිපත් කරන ලද මහින්ද චින්තන ප්රතිපත්ති ප්රකාශයේ එක් යෝජනාවක් අනුව ලංකාපුත්ර සංවර්ධන බැංකුව ආරම්භ කරනු ලැබීය. මෙය සුළු හා මධ්ය පරිමාණ ක්ෂේත්රයට යෝධ බලයක් වනු ඇත.
|
